ВИДЕО: 18 саастаах уолу өлөрүүгэ уорбаланар киһини туттулар

Дьокуускай куорат силиэстийэлиир отдела 18 саастаах уол өлүүтүнэн холуобунай дьыаланы силиэстийэлиир.

Силиэстийэ быһаарбытынан, 2025 сыл сэтинньи 1 күнүгэр уорбаланааччы итирик туруктаах сылдьан бииргэ арыгылааһын кэмигэр буолбут иирсээнтэн сылтаан биир кууруска үөрэнэр уолун охсуолаабыт, тэбиэлээбит. Онно ылбыт эчэйиилэриттэн уол сэтинньи 10 күнүгэр мэдиссиинэ тэрилтэтигэр тыына быстыбыт.

Уорбаланааччы тутуллубут, салгыы туох миэрэ ылыныллара быһаарыллар.

Холуобунай дьыаланан силиэстийэ ыытыллар, эспиэртиир чинчийиилэр ыытыллаллар, туоһу хомуйуллар диэн СӨ Силиэстийэлиир кэмитиэтэ иһитиннэрэр.