ВИДЕО: 58 саастаах киһи парикмахерскайга төлөпүөнү уорбут

Полицейскайдар Дьокуускай куоракка парикмахерскайга тахсыбыт уорууну арыйдылар. Бу туһунан ИДьМ Дьокуускайдааҕы салаатын пресс-сулууспата иһитиннэрдэ. 

Полиция 2-с нүөмэрдээх отделыгар биир  дьахтартан сайабылыанньа киирбит. Ол курдук  парикмахерскайга уола  80 тыһ. солк. суотабай төлөпүөнүн уордарбыт.

Суһал-ирдиир үлэ кэмигэр холуобунай ирдэбил үлэһиттэрэ Орто Халыматтан төрүттээх 58 саастаах  уорбаланааччыны туппуттар.
Быһаарыллыбытынан, уорбаланааччы баттаҕын кырыттара кэлбит уонна тас таҥаһын парикмахерга биэрбит.  Маастар куурканы көхөҕө ыйыыр  кэмигэр уорбаланааччы  остуолга мобильнай төлөпүөн сытарын көрбүт. Кинини ким да көрбөтүнэн туһанан, смартфону хармааныгар ылан уктубут.
Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүлүннэ.