ВИДЕО: Алдаҥҥа атыы-эргиэн киинин эбийиэгэ умайбыт

Кулун тутар 30 күнүгэр киэһэ 19:28 чааска Алданнааҕы баһаарынай-быыһыыр сулууспаҕа Алдан куорат Дзержинскай уулуссатыгар турар атыы-эргиэн киинэ умайарын туһунан иһитиннэрии киирбит.

ЫБММ пресс-сулууспата иһитиннэрэринэн, баһаарынайдар уот турбут миэстэтигэр 2 мүнүүтэнэн тиийбиттэр. Баһаар түмүгэр атыы-эргиэн киинин кырыһыыта уонна сыста турар эбии тутуута 250 кв. м. иэнэ уокка былдьаммыт. Уот турбут төрүөтэ, быһа барыллаан, баһаартан сэрэхтээх буолуу быраабылатын кэһии уонна оһоҕу сыыһа туттуу. Буруйдаах сирэй уонна хоромньу быһаарыллар. Уоту умуруорууга 32 баһаарынай уонна 8 тиэхиньикэ тардыллыбыт.