ВИДЕО: Алексей Константинов — көҥүл тустууга Арассыыйа чөмпүйэнээтин информатор судьуйата

Саха биир бастыҥ куолаһа, ыытааччыта Алексей Константинов бу күннэргэ Москваҕа көҥүл тустууга Арассыыйа чөмпүйэнээтигэр дикторынан ыҥырыллан үлэлиир.

Саха сиригэр улахан тэрээһиннэр үгүстэрэ кини куолаһынан доҕуһуолланан ааһаллар. Бу сырыыга Алексей Константинов маастарыстыбата дойду таһымыгар биллэн — көҥүл тустууга Арассыыйа чөмпүйэнээтигэр дикторынан ыҥырылынна диэн «Араадьыйа долгуна» иһитиннэрэр.

Алексей -«Сэргэлээх уоттара» култуура киинин дириэктэрэ. Ол гынан баран, талааннаах салайааччы, бастыҥ куолас, өрөспүүбүлүкэ араас тэрээһиннэрин ыытар. Онон Бүтүн Арассыыйа таһымыгар саха саҥата дуорайарыттан биһиги киэн туттуох эрэ тустаахпыт.