Хаартыска: социальнай ситимтэн уонна Семен Сивцев-Өймөкөөн Сэмэнэ.
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн «арааран» турар Амма өрүс биир кытыллыттан дьиктилээхэй хартыына көстөрүн туһунан социальнай ситимнэринэн киһи болҕомтотун тардар видео тарҕанна.
«Аҕыйах сылынан Амма барыта «небоскреб» буолар эбит дии..» диэн этэн туран, устааччы түннүк нөҥүө ыраахтан элбэх мэндиэмэннээх дьиэлэр туралларын курдук ураты дьикти хартыынаны уһулан ыытта.
Аҕыйах сыллааҕыта биллиилээх фотограф Семен Сивцев-Өймөкөөн Сэмэнэ эмиэ Тымныы полюһа — Өймөкөөн хайаларын хаартыскаҕа түһэрэ туран, салгыҥҥа маннык көстүүнү түһэрбитин соһуйан ыыппытын өйдөөн, киниэхэ эрийэ сырыттым.
«Кырдьык, тымныы уонна сылаас салгын охсуһууларын түмүгэр, нууччалыы эттэххэ, «оптическай искажение» үөскүүр эбит. Ол түмүгэр дьэрэкээн, дьүһүннээһин эбэтэр «миражтар» үөскүүллэр. Мин эмиэ хайалары хаартыскаҕа үйэтитэн түһэрэ туран, итинник салгын хамсааһыныттан ураты көстүүнү аан бастаан көрөөт, бэркэ соһуйбутум.
Айылҕаҕа итинник ураты түгэн, көстүү бу кэмҥэ олус элбэх. Бүгүн киин улуустарга тымныйа туран, эмискэ сылыйда. Ол эбэтэр, салгын -40 кыраадыстан эмискэ -20 кыраадыс буолан айылҕаҕа эрэ буолбакка, киһиэхэ эмиэ дьайар«, — диэн Семен Сивцев-Өймөкөөн Сэмэнэ санаатын үллэһиннэ.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…
Бүгүҥҥүттэн православнай христианнарга Улуу пост иннинээҕи бырааһынньык - Масленица саҕаланна. Саха дьоно төһө да бары…