ВИДЕО: Аммаҕа «сакура» сибэкки тыллыбыт

Бу күннэргэ Амма улууһугар норуокка биллэринэн «сакура» — чэмпэрээк сибэкки тыллыбыт. Бу туһунан  «Амма олоҕо» ТГ-ханаал суруйар.

Сороҕор, тулалыыр эйгэҕэ сыһыаннаах тыллар сахалыы ааттарыгар мунаахсыйан мөккүөр бөҕөнү таһаарабыт. Онон кэмиттэн-кэмигэр санатан ааһар тоҕоостоох. Норуокка биллэринэн сахалыы «сакура», багульник, рододендрон даурский cахалыы чэмпэрээк диэн ааттанар.

Бу дьиикэй фиолетовай өҥнөөх сибэккилээх талах Азияттан Алтаай хайаларыгар диэри үүнэр: Илиҥҥи Сибииргэ, Забайкальеҕа, Хотугу Монголияҕа, Маньчжурияҕа, Хотугулуу-Илиҥҥи Кытайга, Кореяҕа, Уһук Илиҥҥэ, Сахалиҥҥа уонна Японияҕа.Чэмпэрээк Саха сиригэр булкаас тыаҕа үүнэр. Үүнээйи тиит мастаах ойуурдарынан, таастаах сирдэргэ эбэтэр хайаларга тарҕаммыт. Амма улууһун таһынан Мэҥэ Хаҥалас улууһугар эмиэ үүнэр.