Хаартыска: Андрей Васильев тиксэриитэ
Соторутааҕыта социальнай ситимнэринэн куобахтаан кыыратар спортсмен видеота тарҕаммыта.
Ону кытта тэҥҥэ кимий диэн таайыы саҕаламмыта. Чопчулаан билбиппитинэн бу рекордсмен, Таатта чулуу спортсмена Андрей Васильев. Андрейы кытта төлөпүөнүнэн кэпсэтэ сырыттым.
—Бу быйыл Бэрдьигэстээххэ сахалыы атах оонньуутугар өрөспүүбүлүкэтээҕи чөмпүйэнээккэ бэлэмнэнии кэмигэр устубут видеолара. Билигин «Манчаары оонньууларыгар» бэлэмнэнэбит. Куобахха көрдөрүүбүн тупсарыахпын баҕарабын уонна уопсай түмүккэ киирэр соруктаахпын. Троеборьеҕа (кылыыга, ыстаҥаҕа, куобахха) күүстээх уолаттар бааллар. Бу далааһыннаах күрэскэ ыраах ыстаныылары көрдөрүөхтэрэ диэн эрэнэбин. Уопсайынан, күрэхтэһиигэ спортсменнар көрдөрүүлэрэ тупсан иһэр. Ол аата, күрэхтэһээччи күүстээх бэлэмнээх буолуута куруук ирдэнэр.
* * *
Андрей Васильев – саха төрүт атах оонньууларын успуордун маастара. Куобахтаан ыстаҥыыга рекордсмен (быйылгы көрдөрүүтэ — 44 м. 46 см.). Үөһээ Бүлүүгэ ыытыллыбыт «Манчаары оонньууларыгар» куобахха бастаабыта. Горнай улууһугар Бэрдьигэстээххэ «Манчаары оонньууларыгар» куобахха бастаабыта, уопсай түмүккэ иккис миэстэ буолбута. Аммаҕа ыытыллыбыт Олоҥхо ыһыаҕар ыстаҥаҕа (уопсай көрүҥҥэ) чөмпүйүөн үрдүк аатын ылбыта. 2012 сыллаахтан Ньурба улууһуттан төрүттээх Захар Евгеньевич Ефремов тириэньэрдиир.
Видеоны көрүҥ.
Видео соц.ситимнэртэн. Хаартыскалар: Андрей Васильев тиксэриилэрэ.
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Дьокуускай, Нерюнгри уонна Мииринэй куораттарга хантараагынан байыаннай сулууспаҕа гражданнары сүүмэрдиир пууннар РФ Оборуона министиэристибэтин кытта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…