ВИДЕО: Арай, биһиэхэ эмиэ маннык олбуору оҥордуннар…

Бүгүн сарсыарда социальнай ситимнэринэн бэрт сонун видео тарҕанна. Новосибирскайга тутулла турар оскуола олбуоругар биирдиилээн биридимиэттэр быраабылаларын, үөрэнээччи билиитин-көрүүтүн хаҥатар тэттик иһитиннэриилэри суруйбуттар.

Видеоҕа устар киһи: “Түннүгүнэн көрөн оҕолор баҕарабатахтарын да иһин билиэхтэрэ, эксээмэҥҥэ бэлэмнээх кэлиэхтэрэ. Арассыыйаҕа 11 часовой пояс баарын саҥа биллим”, – диэн кэммэнтээрийдиир.

Чахчы даҕаны бэрт өйүк эбит! Оҥойон, эриэнинэн көрөн турар олбуордааҕар бу курдук быраабыла бэрт буолсу. Барытын да буолбатар олбуор биир эмэ эркинигэр биридимиэттэр сүрүн быраабылаларын суруйдаллар, сонун, сэргэх көстүү быһыытынан оҕолор ылыныах этилэр. Уонна “повторение – мать учения” дииллэринии, күннэтэ көрөн син туох эрэ хаалыах этэ.