ВИДЕО: Арассыыйа биллэр артыыһа Дмитрий Дюжев Дьокуускайга кэллэ

Бүгүн, муус устар 30 күнүгэр, Дьокуускайга РФ үтүөлээх артыыһа Дмитрий Дюжев көтөн кэллэ. Кинини үгүс дьон «Бригада» сэрийээлгэ Космос оруолунан билэр.

Киин куоракка артыыс байыаннай дьайыы туһунан уһуллубут «Алдан» киинэ сүрэхтэниитигэр кытта кэллэ. Режиссер — Дмитрий Кольцов. Саҥа киинэ ыам ыйын 1 күнүттэн бары киинэ тыйаатырдарыгар көстүөҕэ. Бу туһунан киинэни устар бөлөх иһитиннэрэр.

Киинэҕэ сүрүн оруолу СӨ Үүнэр көлүөнэ тыйаатырын артыыһа Илья Яковлев толорор. Иван Охлобыстин, Ольга Красько, Владимир Охлопков, Эрхан Нохоев уо.д.а. оруолларга оонньоотулар.

Санатан суруйдахха, киинэ прокатыттан киирбит үп байыаннай дьайыы кыттыылаахтарын өйүүргэ ыытыахтара.