ВИДЕО: Артур Портнягин «Ты супер!» биэриигэ ыллаата

Биир дойдулаахпыт 17 саастаах Артур Портнягин НТВ ханаалыгар  «Ты супер!» биэриигэ ыллаата. Дьүүллүүр сүбэ — ырыаһыттар Алсу, Диана Арбенина, Игорь Крутой, Стас Ярушин сыаналаатылар.

Видео — Артур Портнягин социальнай ситимиттэн:

Артур тоҕус сааһыгар диэри оҕо дьиэтигэр олорбут.  2017 с. кинини уонна игирэтин аҥаарын Богданы  иитэ ылбыттар.

Артур —  дэгиттэр талааннаах уол, ыллыырын сөбүлүүр.  Маны таһынан айылҕаҕа сылдьарын, балыктыырын, астыырын сөбүлүүр. Успуордунан дьарыктанар,  волейболга Саха сирин сүүмэрдэммит хамаандатыгар баар.