Хаартыска: видеоттан скрин
П.А. Ойуунускай аатынан Саха академическай тыйаатырын артыыстара — РФ үтүөлээх, РФ уонна СӨ норуодунай артыыһа, ССРС, РФ уонна СӨ судаарыстыбаннай бириэмийэтин лауреата Ефим Степанов уонна СӨ үтүөлээх артыыската Наталья Степанова ыал буолбуттара 50 сылын — кыһыл көмүс сыбаайбаларын бэлиэтээтилэр.
Бу туһунан Саха тыйаатырын телеграм-ханаалыгар иһитиннэрдилэр:
«Күндүтүк саныыр дьоммут Наталья Ивановна уонна Ефим Николаевич!
Алаһа дьиэҕит аал уотун буруотун унаарытан,
Өбүгэ үгэһин үксэтэн, оҕо-уруу төрөтөн,
Дьоһун-мааны ыал буолан,
«Кыһыл көмүс» сыбаайбаҕытын бэлиэтиир
Дьоллоох дьоро күҥҥүт үрдүк аатыгар
Ис сүрэхтэн тахсар истиҥ эҕэрдэ эттэхпит буоллун!
Эдэр сааскытыгар театр кэрэ эйгэтэ
Таптаһар сүрэхтэргитин эйэлээн,
Күн бүгүнүгэр дьоллоох ыал аатын ылаҥҥыт
Кэрэни, сырдыгы бар дьоҥҥутугар тарҕата сылдьаҕыт!
Аны да кэлэр инники олоххут кэрэмэн кэскилэ кэчирээбэтин,
Уолбат уйгута уостубатын, байым быйаҥа быстыбатын!
Кэнчээри ыччаттаргыт кэтирии-тэнийэ турдуннар!
Өссө да уһун, уостубат-быстыбат дьоллоох-соргулаах,
Үтүө-мааны дьоһун олоҕу баҕарабыт!»
— диэн, бииргэ үлэлиир дьоно эҕэрдэлээбиттэригэр кыттыһабыт.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…