ВИДЕО: Атаҕын эчэппит көҕөнү быыһаатылар

Бүгүн Экология министиэристибэтин үлэһиттэригэр Дьокуускай куорат олохтооҕо Ш.М. Нигматов сибээскэ тахсан, ГРЭС   территориятыгар  Өлүөнэ өрүскэ   атыыр көҕөнү булбутун туһунан иһитиннэрбит.

Булт департаменын кылаабынай исписэлииһэ   Георгий Колесов кэпсээбитинэн,  кус атаҕын өлөрөн, сатаан хаампат буолбут.  Төһө да ыарыйдар, көтөр  үчүгэйдик аһыыр-сиир эбит, онон сотору кэминэн чөлүгэр түһүө дииллэр.  Министиэристибэ үлэһиттэрэ  куһу  «Ветполис» килииникэҕэ илдьибиттэр.  Бэтэринээрдэр рентгенологическай чинчийиини оҥоруохтара, салгыы эмтиэхтэрэ.

Эмтэниини ааспытын кэннэ «Зоополис» мини-зоопаркаҕа куһу ыытыахтара.