ВИДЕО: Байыаннай дьайыы хонуутугар Арчы дьиэтэ тэрилиннэ

Саха сириттэн байыастар байыаннай дьайыы зонатын биир полигонугар Арчы дьиэтин тутуллар. Байыаннай сулууспалаахтар көҕүлээһиннэрин аармыйа командованиета өйөөбүт.

Куттала суох буолууну тутуһар сыалтан Арчы дьиэтэ сир анныгар тэрилиннэ. Арчы дьиэтин туппут байыастар дьыалаҕа улахан кыһамньыларын уурбуттар. Манна алгысчыт сиэрин-туомун ыытарга бары наадалаах тэрил баар, ону таһынан миэбэл, туттар мал-сал, Саха сирин каартата, бибилэтиэкэ уонна өрөспүүбүлүкэ кэрэ көстүүлээх айылҕалаах «түннүктэрэ» туруоруллубуттар.

«Биһиги манна Саха сиригэр сылдьарбыт курдук сананабыт. Билигин манна төрөөбүт дойдубут кыра чааһа баар буолла. Арчы дьиэтэ фроҥҥа биһиги норуоппут духуобунай култууратын киининэн буолар. Манна биһиги өбүгэлэрбит алгыһын уонна көмүскэлин ылар кыахтаахпыт», — диэн байыастар санааларын үллэһиннилэр. #ПозывнойКультура