Хаартыска: Т.Л.Корнилова тиксэриитэ.
Аҕа дойду сэриитигэр Старай Русса анныгар тыһыынчанан сэбиэскэй саллааттар дьоруойдуу охтубуттара. Манна үһүс сылын «Медведь» диэн көрдүүр-чинчийэр этэрээт үлэлиир.
Олор ортолоругар Сунтаар оройуонуттан «Сонор» эдэр патриоттар кулууптарын оҕолоро уонна политиэхиньичэскэй лиссиэй үөрэнээччилэрэ бааллар. Кинилэр сыаллара-соруктара саллааттар көмүс уҥуохтарын булан ааттарын үйэтитии.
Бу кэм иһигэр кинилэр 15 байыас кырамтатын, уордьаннарын, мэтээллэрин, туттубут малларын уонна «Илюша» диэн суруктаах ньуосканы булбуттар. Уонна дьэ, архыыбы хаһан тыһыынчанан Ильяттан иккитин талан, биирэ Новосибирскай Ильята саастаах киһи (киниэнэ буолбатах эбит) иккиһэ Кыыллаах уола 19 саастаах Борисов Илья Емельянович ньуоската буоларын билбиттэр. Ньуоскаҕа ураһа курдук оһуордаах эбит. Илья 1943 с. Медведно диэн дэриэбинэ анныгар улахан кыргыһыыга олоҕун толук уурбут. Илюша 330 сэбиэскэй саллааты кытары Старай Русса куорат Симоновскай кылабыыһатыгар, 2025 сыл ыам ыйын 7 күнүгэр көмүс уҥуохтара кистэннилэр. Бу улахан тэрээһиҥҥэ кыттаары Саха сирин дэлэгээссийэтэ Новгородскай уобаласка бара сырытта уонна Илья Емельянович сиэн балтылара Макарова Надежда Семеновна, Грязнухин Марианна Семеновна кыттыыны ыллылар. Суруктаах ньуосканы уонна көмүллүбүтун туоһулуур докумуоннары туттулар.
Надежда Семеновна бэс ыйын 26 күнүгэр Кыыллаах орто оскуолатын түмэлигэр эһэтэ Иннокентий Емельянович (сэриигэ иккиэн барбыттар, эмиэ ити дэриэбинэ анныгар быраатын иннинэ охтубут) бииргэ төрөөбүт быраатын Илюша ньуоскатын аҕалан туттарда. Макаровтар, Грязнухиннар, Корниловтар дьиэ кэргэттэригэр махталбытын биллэрэбит!
Ким да умнуллубат, туох да умнуллубат!
https://t.me/sakhasire20/57629
Татьяна КОРНИЛОВА, Кыыллаах орто оскуолатын түмэлин салайааччыта, 2025 с.
Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ Павел Багынановы кытары көрүстэ. 2025…
Саха сиригэр сорох хаһаайыстыбаларга ынахтар хайыы-үйэ төрөөтүлэр. Ол эрээри маассабай төрүөх кулун тутар, муус устар,…
СӨ силиэстийэлиир управлениетын Чурапчытааҕы оройуоннар икки ардыларынааҕы силиэстийэлиир салаата эрдэ сууттана сылдьыбыт, киһини өлөрүүгэ сорунан…
Саха сирэ «Биир ньыгыл Арассыыйа» баартыйа норуот бырагырааматынан 18 федеральнай баартыйа бырайыагын үлэлэтэр. Бу бырайыактар…
Быйылгыттан анал байыаннай дьайыыга кыттыбыттар, демобилизованнайдар, бэтэрээннэр, Арассыыйа социальнай пуондатын доруобуйаны чөлүгэр түһэрэр кииннэригэр санаторнай-курортнай…
Быйыл Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо, Сииттэ нэһилиэгэр Норуот айымньытын сыллара…