ВИДЕО: Бөрөнү Ороһуга көрбөтөхтөр…

Бөрөнү Ороһуга көрбөтөхтөр. Бүгүн социальнай ситимнэринэн ыкка дуу,  түһэрээччилэргэ дуу боотургуур бөрө видеота тарҕанна. “Ороһуга” диэн суруктаах.

Төһө оруннааҕын билээри Үөһээ Бүлүү улууһун Ороһу баһылыга Анатолий  Антоновтан төлөпүөнүнэн ыйыттыбыт.

— Видеоны көрө олоробун. Бу – Ороһуга буолбатах, — диэн чопчулаата  Анатолий Васильевич.

Онон видеоны устааччы хайа нэһилиэккэ түһэрбитин чуолкайдыан наада буолсу. Бөрө адьырҕа кыыл буоларын умнумуоҕуҥ.