Хаартыска: аха сиринээҕи Быыһыыр сулууспатын пресс-сулууспата
От ыйын 28 күнүгэр аракыата биир тобоҕо – бааҕа (бак окислителя) эвакуацияланна. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.
Быыһыыр сулууспа Үөһээ Бүлүүтээҕи көрдүүр-быыһыыр этэрээтин быыһааччылара уонна Аэромобильнай этэрээт начаалынньыгын солбуйааччыта Павел Алексеев, «Роскосмос» бэрэстэбиитэллэрин, экологтары уонна ойуур хаһаайыстыбатын үлэһитин кытта тобох түспүт сиригэр бөртөлүөтүнэн көппүттэр. Ол сиргэ бөртөлүөт түһэр кыаҕа суох буолан, быыһааччылары парашюта суох ньыманан түһэрэн, бөртөлүөт түһэр былаһааккатын бэлэмнэтэргэ быһаарыы ылыллыбыт.
Быыһааччылар Александр Семенов, Борис Семенов, Денис Никифоров, Айсиэн Петров уонна кинилэри түһэрээччи Павел Алексеев парашюта суох ньыманан түспүттэр. Кинилэр икки чаас иһигэр мастары кэрдэн, бөртөлүөт түһэр былаһааккатын бэлэмнээбиттэр. Бөртөлүөт төннөн кэлэн, бэлэм былаһааккаҕа түспүт. Экологтар боруоба ылан, радиация таһымын кэмнээбиттэр. Таһым нуормаҕа сөп түбэһэрэ быһаарыллыбыт.
Боруобаны ылбыттарын кэннэ, быыһааччылар тобоҕу тиэйэргэ сөптөөх гына эрбээн, бөртөлүөккэ тиэйбиттэр. Тобоҕу Бүлүү куоратыгар аҕалан, анал контейнерга укпуттар. Быыһааччылар иннилэригэр өссө 15 миэтэрэ уһуннаах бааҕы (торовый бак) таһаарар сорук турар. Бу үлэ өссө хас да күн ыытыллыаҕа. Онтон тобохтору барытын «Восточнай» космодромҥа тиэрдиэхтэрэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…