ВИДЕО: Бүтүн Арассыыйатааҕы “Сыл учуутала” күөн күрэс өрөспүүбүлүкэтээҕи түһүмэҕэ саҕаланна

Бүгүҥҥүттэн Бүтүн Арассыйатааҕы “Сыл учуутала-2025” күөн күрэс өрөспүүбүлүкэтээҕи түһүмэҕэ саҕаланна. Быйыл өрөспүүбүлүкэ араас улуустарыттан барыта 19 учуутал кыттар.

Тэрээһин үөрүүлээх аһыллыытыгар үөрэх уонна билим миниистирин солбуйааччы Степан Степанов: “Кыттааччыларга ситиһиилээх, таһаарыылаах үлэни баҕарабын. Тэрийээччилэргэ, ыраах улуустартан кэлбит кыттааччыларга махтанабын. Бу күөн күрэстэн элбэх учуутал үүннэ-сайынна. Тэрээһин үөрүүлээх аһыллыытынан барыгытын эҕэрдэлиибин” – диэн эттэ. Бэйэлэрин ыллыктаах тылларын Үөрэҕи сайыннарар уонна идэ таһымын үрдэтэр институт дириэктэрэ М.Н. Колмаков, институт билимҥэ салайааччыта Г.И.Алексеева эҕэрдэлээтилэр.

Быйылгы “Сыл учуутала-2025” күөн күрэс үөрүүлээх аһыллыыта бэрт сэргэхтик барда. Урукку кыайыылаахтар тахсан алгыс тылларын анаатылар, кыайыыга кынаттыыр уоттарын сылааһын иҥэрдилэр, кыттааччылар “Учууталлар — оҕолорго” аахсыйа иитинэн оҕолорго тиксэрэргэ Саҥа дьыллааҕы анал бэлэхтэрин туттардылар.

“Сыл учуутала” күөн күрэс быйылгы кыттааччылара:

1. Алексеев Николай Игоревич (М.А.Алексеев аатынан Үөһээ Бүлүүтээҕи лиссиэй-интэринээт, Үөһээ Бүлүү улууһа)
2. Андросова Светлана Николаевна (Петропавловскай орто оскуолата, Уус Маайа улууһа)
3. Борисова Прасковья Александровна (В.Г. Короленко аатынан Амма 1-кы нүөмэрдээх орто оскуолата, Амма улууһа)
4. Анна Дмитриевна Варламова (А.Е.Мординов аатынан Таатта лиссиэйэ, Таатта улууһа)
5. Данилова Татьяна Петровна (Ой орто оскуолатын учуутала, Хаҥалас улууһа)
6. Евгения Юрьевна Драгина (В.А.Швырков аатынан Арктика гимназията, Булуҥ улууһа)
7. Дьячковская Туйаара Олеговна (Кэбээйи орто оскуолата, Кэбээйи улууһа)
8. Ивина Ирина Александровна (Нерюнгри куорат 24-с нөүмэрдээх информационнай-технологическай лиссиэй, Нерюнги оройуона)
9. Макарова Юлия Мироновна (С.К.Макаров аатынан Чурапчы улуустааҕы гимназията, Чурапчы улууһа)
10. Михайлова Дария Петровна (Дьокуускай куорат 17-с нүөмэрдээх оскуолата, Дьокуускай к.)
11. Новгородова Наталья Васильевна (В.Н.Оконешников аатынан Павловскай орто оскуолата, Мэҥэ Хаҥалас улууһа)
12. Порядочных Юлия Юрьевна (Мииринэй 7-с нүөмэрдээх орто оскуолата, Мииринэй оройуона)
13. Прибылых Марина Николаевна (Г.И.Чиряев аатынан Бүлүү 1-кы нүөмэрдээх орто оскуолата, Бүлүү улууһа)
14. Самсонов Михаил Васильевич (Глобальнай үөрэхтээһин киинэ, Дьокуускай куорат)
15. Степанова Варвара Дмитриевна (Г.Н.Чиряев аатынан Хоро орто оскуолата, Үөһээ Бүлүү улууһа)
16. Ховров Никита Константинович (И.В.Пухов аатынан Окоемовка орто оскуола, Уус Алдан улууһа)
17. Федорова Валентина Антоновна (Н.Н.Яковлев аатынан Өлүөхүмэ 1-кы нүөмэрдээх орто оскуолата, Өлүөхүмэ улууһа)
18. Царицанская Светлана Анатольевна (Кэптин орто оскуолата, Горнай улууһа)
19. Яковлева Евдокия Ивановна (С.Васильев аатынан Ньурба элбэх хайысхалаах гимназията, Ньурба улууһа).

Күөн күрэс кыттыылаахтарын СӨ култууратын туйгуна Кирилл Матвеев, култуур кэллиэһин устудьуоннара, оскуола үөрэнээччилэрэ ырыанан, үҥкүүнэн эҕэрдэлээтилэр.