https://t.me/lenapillarsnationalpark
«Өлүөнэ очуостара» национальнай пааркаҕа ойуурга турар «фотоловушка» тыһы уонна атыыр бүүчээннэри уһулла. Сэдэх каадырдары национальнай паарка иниспиэктэрэ Роман Широких тиксэрдэ.
Видеоҕа көстөрүнэн, бастаан атыыр бүүчээн түүн Атах Үрүйэ диэн сиргэ сылдьар. Көрдөххө, уһун атахтаах улахан куобахха майгынныыр. Атыыр бүүчээн быга сылдьар уһун аһыылаах буолар, онто хараҥаҕа көстүбэтэх.
Онтон аны тыһы бүүчээн Уһун Күөл диэн сиргэ сылдьара көстөр. Бүүчээн тураҥ буору булан, хаары хаһан сии сатыыр. Тыһылара аһыылара суох, туртаска маарынныыллар эрээри, саамай уратыта — кэнники атахтара быдан уһуттар уонна кулгаахтара улахаттар.
Бүүчээн — сэдэх кыыл. Уһуна 1 миэтэрэ, үрдүгэ — 50-70 см, ыйааһына — 10-18 киилэ буолар. Таба диэҕи, кырата бэрт уонна муоһа суох. Атыырдара уһун аһыыларынан охсуһаллар, бэйэ-бэйэлэрин эчэтиэхтэрин да сөп. Бүүчээн ыыта эмтээх.
Түүтэ хойуу эрээри, тосто сылдьар. Тириитигэр ньуолах түүтэ суох. Түүтэ сылааһы тутар буолан, хаарга сыттаҕына, хаар ууллубат, ууга да дагдайар, ол иһин бүүчээннэр бэркэ харбыыллар. Туйаҕа олус синньигэс, икки аҥы ыыра барыах курдук буолар эрээри, түргэнник сүүрэр. Куоттаҕына, куобах курдук, суолун бутуйар.
Бүүчээн айылҕаҕа 4-5 сыл, киһи көрүүтүгэр киирдэҕинэ, 10-14 сыл олорор.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…