ВИДЕО: Быыһааччылар дьахтар тарбаҕар биһилэх быһа киирбитин ыллылар

СӨ Быыһыыр сулууспатыгар дьахтар тарбаҕар биһилэҕэ быһа киирэн хаалан кэлбит. Быыһааччылар биһилэҕи болгарканан эрбээн ыллылар диэн биэдэмистибэ пресс-сулууспата суруйар.

Биһилэх быһа киирэн, тарбах иһэн, хаанын эргийиитэ бытааран, эт-сиин бааһырыытыгар, некрозка тиэрдиэн сөп. Бэл, тарбах быһыллыан даҕаны сөп.

Онон тарбахха биһилэх быһа киирэр түгэнигэр уһаппакка исписэлиистэргэ кэлэр ордук. Быыһааччылар дьуһууруунай сменалара (смена старшайа Денис Петухов) дьахтар тарбаҕыттан биһилэҕи болгарканан эрбээн ыллылар.