ВИДЕО: Чайыҥдатааҕы сир баайдаах учаастакка уот турбут

Атырдьах ыйын 18 күнүгэр киэһэ 18:57 чааска баһаарынай-быыһыыр сулууспаҕа Ленскэй оройуонун Чайыҥдатааҕы сир баайдаах учаастакка ыскылаат умайа турарын туһунан иһитиннэрии киирбит.

Бу туһунан Саха сиринээҕи ЫБММ пресс-сулууспата иһитиннэрэр. Баһаарынайдар уот турбут сиригэр аҕыйах мүнүүтэнэн тиийбиттэр. Кинилэр кэлиилэригэр ыскылаат умайа турар эбит. Баһаар түмүгэр 600 кв. миэтэрэ иэннээх тутуу алдьаммыт. Баһаар төрүөтэ, буруйдаахтар уонна хоромньу быһаарыллаллар.

Баһаары умуруорууга баһаарынай чаастан 4 үлэһит уонна 1 тиэхиньикэ, ону таһынан Чайыҥдатааҕы ньиэп-гаас хостуур управлениеттан 5 үлэһит уонна 2 тиэхиньикэ кыттыбыт.