ВИДЕО.Чурапчы Толоонугар саҥа култуура дьиэтэ үлэҕэ киирдэ
07.12.2024, 10:20
Хаартыска: видеоттан скрин
Бөлөххө киир:
Чурапчы улууһун Толоон сэлиэнньэтигэр саҥа култуура дьиэтэ үлэҕэ киирдэ. Соторутааҕыта бэрэбиэркэ түмүгүнэн бырайыактыыр докумуон ирдэбилигэр сөп түбэһэрин туһунан Саха сиринээҕи Госстройжилнадзорун управлениета иһитиннэрбитэ.
Саҥа икки этээстээх дьиэ иэнэ 1030,2 кв. м., актовай саалата 121 көрөөччү миэстэлээх.
«Бу күнү тыа сирин олохтоохторо бары кэриэтэ олус да күүппүттэрэ. Манна урут култуура дьиэтэ суох этэ. Билигин кинилэргэ анаан 1000-тан тахса кв. м. иэннээх бэртээхэй икки этээстээх дьиэ баар буолла. Тутуу барыта сахалыы истиилинэн оҥоһулунна. Тыа сирин олохтоохторун үөрүүлэрэ муҥура суох! Бу «Култуура» национальнай бырайыагын чэрчитинэн Саха сиригэр үлэҕэ киллэриллибит сэттис култуура дьиэтэ буолла. Өссө икки култуура киинэ Аллараа Бэстээххэ уонна Сунтаар улууһун Кириэстээх сэлиэнньэтигэр тутулла турар. Саҥа култуура дьиэтэ нэһилиэк тэбэр сүрэҕэ, дьон-сэргэ мустар, саҥа талааннар арыллар сирдэрэ буоллун!, — диэн Ил Дархан Айсен Николаев ТГ-ханаалыгар иһитиннэрдэ.
+1
5
+1
+1
+1
+1
+1
1
+1
1
Сообщить об опечатке
Текст, который будет отправлен нашим редакторам: