ВИДЕО: Чурапчыга ыаҕастаах уунан куппут ардах хоромньуну таһаарда

Бу күннэргэ Чурапчы улууһугар этиҥнээх, дохсун ардах түһэн, Хайахсыт уонна Одьулуун нэһилиэктэригэр улахан хоромньуну оҥордо. Уулуссалар ууга былдьаннылар, тутуулар алдьаннылар, бугуллары уу суурайан илтэ, хортуоппуй бааһыната ардах уутугар халыйда.

Икки нэһилиэккэ ыаҕастаах уунан куппут курдук күүстээх ардах түстэ. Түмүгэр уулуссалар күөл буоллулар. Күүстээх тыалтан дьиэлэр сарайдара, олбуордар уонна кыра тутуулар эмсэҕэлээтилэр. Социальнай ситимнэринэн тарҕаммыт видеоҕа көстөрүнэн, Хайахсыт сэлиэнньэтигэр ардах уутун күүстээх сүүрээнэ мунньуллубут бугуллары суурайан илдьэ барар.