ВИДЕО: Дьахтар дьиэтигэр кэлэн, эрэ өлөн сытарын булбут

Нерюнгри куоракка киһини улаханнык эчэтэн өлөрүүнэн холуобунай дьыала тэриллибитин туһунан СӨ силиэстийэлиир кэмитиэтэ иһитиннэрэр.

2024 сыл ахсынньы бүтүүтэ дьахтар үлэтигэр хас да хонон баран, Ленин проспегар баар дьиэтигэр кэлбит. Онно хоско кини бииргэ олорор 41 саастаах киһитэ өлөн сытарын булбут.

Дьахтар полицияҕа биллэрбит. Силиэстийэ бэрэбиэркэлээн, эр киһи төбөтүн эчэйиититтэн өлбүтэ биллибит.

Суһал-ирдиир үлэлэр ыытыллан, маныаха  Нерюнгри олохтооҕо уорбаланара быһаарыллыбыт. Бу дьон аһыы утах иһэ олорон мөккүспүттэр. Уорбаланааччы бииргэ арыгылыы олорбут киһитин этин-сиинин эчэтэн баран, дьиэттэн тахсан барбыт.

Билигин холуобунай дьыаланан силиэстийэ дьайыылара ыытыллаллар.