ВИДЕО: Дьокуускай аттыгар страустар сүүрэ сылдьаллар…

ВИДЕО: Дьокуускай аттыгар страустар сүүрэ сылдьаллар…

24.06.2024, 15:53
Хаартыска: социальнай ситимтэн.
Бөлөххө киир:

Дьокуускай куорат таһыгар страус сүүрэ сылдьарын көрбүттэр. Ол хаартыската социальнай ситимнэргэ тарҕанна. Тулагы-Киллэм нэһилиэгэр баар пиэрмэттэн бэс ыйын 24 күнүгэр икки страус куоппут эбит. Биирин туппуттар, иккиһин була иликтэр.

Биһиэхэ барыта алта страус баар. Икки страус олбуор үрдүнэн ыстанан, куотан хаалбыттар. Бетону үлтүрүтэ, оҥоро сылдьаллар, ол иһин олбуорбут аана аһаҕас турар. Тиэхиньикэ тыаһыттан куттанан, куоппут буолуохтаахтар, — диэн бааһынай хаһаайыстыба баһылыга Аксана Фурсо СИА-ҕа кэпсээтэ.

Биир страуһу Капитоновка аттыттан туппуттар. Иккиһи көрдүү сылдьаллар. Страус олус түргэнник сүүрэр, онон ыраатан хаалыан сөп. Дьиэтигэр төннөр кыаҕа суох, тоҕо диэтэр, мэйиитэ хараҕынааҕар кыра, төннөр суолун өйдөөбөт.

Онон страуһу көрбүт дьону +7 914 226-13-95 төлөпүөнүнэн эрийэн, биллэрэргитигэр көрдөһөллөр.

Фурсо дьиэ кэргэнэ бааһынай хаһаайыстыбаларыгар 2015 сылтан Москваттан эму страус оҕолорун аҕалан иитэллэр. Кэлин ииппит страустара улаатан, сымыыттаан, ол сымыытыттан оҕолорун таһаарар буолбуттар.

Эму страус сымыыта 1-1,4 киилэ ыйааһыннаах буолар. Холобур, куурусса сымыыта — 45-70 кыраам ыйааһыннаах, ону тэҥнээн көрүҥ.

Страустары көрүү-харайыы улахан уустуга суох, хотугу усулуобуйаҕа түргэнник үөрэнэллэр, кылаабынайа, үчүгэйдик аһатыахха наада. Биһиги уопутурдубут, кэлин страус пиэрмэтин арыйыахпытын баҕарабыт, — диэн Аксана Фурсо кэпсиир.

Эму страус этин, сымыытын, сыатын, куорсунун, тириитин барытын туһаҕа таһаарыахха сөп. Тириитэ олус бөҕө буолан, бэл, суумканы, атах таҥаһын тигэллэр.

Хаартыска: "Сахалайф".

Страустары таһынан, Фурсолар павлиннары, фазаннары, козалары, понилары иитэллэр. Бу барыта үчүгэй көрүүнү-харайыыны эрэйэр, улахан үлэттэн тахсар.

+1
30
+1
0
+1
1
+1
1
+1
1
+1
1
+1
3
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: