ВИДЕО: Дьокуускай таһыгар хара гриф көтөр уйаланна дуо?

Итэҕэйиҥ, итэҕэйимэҥ, ол эрээри Дьокуускай таһыгар хара гриф уйаламмыт  диэн олохтоохтор социальнай ситимнэринэн суруйан, видеоҕа уһулан тарҕаттылар.

Сорохтор гриф буолбатах, хотой эбэтэр чаччыгыныар буолуон сөп диэн саарбахтыыллар.

«Саха сиригэр булт уонна балыктааһын» ТГ-ханаала бу тыҥырахтаах көтөр туһунан өссө 2023 сыллаахха суруйан турар. Өлбүт кыыллары сиэччи тыҥырахтаах көтөрү Үс Хатыҥ аттыгар көрбүттэр.

Хара гриф көтөрө Арассыыйа Кыһыл кинигэтигэр киирбит сэдэх көрүҥ, аан дойду биир саамай бөдөҥ көтөрүнэн ааҕыллар – кынатын далааһына 3 миэтэрэҕэ тиийиэн сөп.  «Бөлөххө орнитологтар баар буоллаххытына, админы көннөрүҥ» диэн суруйбуттар. Википедияҕа сурулларынан, бу көтөр дойду соҕуруу эрэгийиэннэригэр уйаланыахтаах. Оттон хайдах гынан саамай хотугу уонна тымныы кыраайга кэлбитэ – таабырын.

Учуонайдар сабаҕалыылларынан, килиимэт уларыйыытын содулугар сорох көтөрдөр үөскүүр сирдэрин кэҥэтэн, хоту диэки тардыһыахтарын сөп.