ВИДЕО: Дьокуускайга күлүгээннээбит суоппартан тырааныспарын былдьаатылар

Дьокуускай куорат борокуратуурата өрөспүүбүлүкэ киин куоратын 28 саастаах олохтооҕор сыһыаннаах холуобунай дьыалатыгар судаарыстыбаннай буруйдааһынын өйөөтө. Бу туһунан СӨ Борокуратууратын пресс-сулууспата иһитиннэрэр.

Суут бириигэбэринэн кини РФ Холуобунай кодексатын 267.1 ыст. көрүллүбүт буруйу оҥорууга буруйдааҕынан билиниллибит, тырааныспарын судаарыстыба дохуотугар  170 000 солк. суумалаах ыстараап көрүҥүнэн накаастабыл анаммыт.

Суут бириигэбэрин утарылаһан, Дьокуускай куорат борокуратуурата апелляционнай туруорсуу киллэрбитин иккис инстанцияҕа суут биһирээбит. Борокуратуура туруорсуутунан буруйдаахтан «Тойота Марк 2» мааркалаах массыыната судаарыстыба дохуотугар былдьанна.