Хаартыска: видеоттан скрин
Куйаар ситимигэр «Домбра» диэн саҥа килиип сүрэхтэнэн, үгүс дьон-сэргэ болҕомтотун тарта.
Ырыаны кырачаан Архан Уйгу (Алексеев) үс тылынан — казахтыы, сахалыы уонна ногайдыы толорор. Айымньы хайдах толкуйдаммытын, олоххо киирбитин туһунан Архан аҕата Семен Алексеев кэпсиир. Ол курдук, «Домбра» диэн ырыаны аан бастакытын 2015 сыллаахха ырыаһыт Арсланбек Султанбеков ногайдыы толоруутугар истибит. Ол кэннэ ырыа сүрэхтэниитигэр диэри өйүгэр-санаатыгар кытаанахтык хатанан хаалбытын килиип устарга санаммыт. Архан кыратыттан аҕата мэлдьи кэнсиэртэринэн илдьэ сылдьар буолан, ыллаһар уонна үҥкүүлүүр эбит. Кэлин кыра уолчаан араас ырыа куонкурустарыгар ситиһиилээхтик кыттар буолбут. Семен бэйэтэ «Ый суола» бөлөххө бас-гитараҕа оонньооччу, ырыа айааччы эбит. Итини таһынан боксанан, тайбоксанан, кикбоксанан утумнаахтык дьарыктаммыт. Бииргэ төрөөбүт быраата Эллэй эмиэ музыка айааччы, аранжировщик.
Кинилэр Саха сиригэр биллэр дьон удьуордарын утумнааччылар. Эһэлэрэ Иннокентий Тихонович Васильев, дьоҥҥо биллэринэн И.Васильев, Саха сиригэр бастакы успуорт түмэлин төрүттээбитэ, ааттаах фотограф этэ. Убайа Василий Тихонович эмиэ өрөспүүбүлүкэҕэ биллэр хаартыскаҕа түһэрээччи. Бииргэ төрөөбүттэрэ Марфа Тихоновна Данилова 90-ча ырыалаах самодеятельнай композитор. Эбэлэрэ Мария Петровна Охлопкова Мэҥэ Хаҥалас улууһугар ытыктанар учуутал, РСФСР үөрэҕириитин туйгуна.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…