ВИДЕО. Дрон көмөтүнэн Өлүөнэ өрүскэ хонтуруол күүһүрэр

Дьокуускайга бу кэмнэргэ Өлүөнэ өрүс үрдүнэн айан-сырыы бобуллубутун үрдүнэн суоппардар 203 түөлбэнэн өрүһү туоруур сир оҥостубуттар.

Бэҕэһээҥҥиттэн, муус устар 21 күнүттэн, Дьокуускай куорат Госавтоинспекциятын, Тырааныспар полициятын уонна куораттааҕы административнай хамыыһыйаны кытары сэрэтии рейдэлэри саҕалаатылар.

Суол сабыллыбытын үрдүнэн өрүс үрдүнэн тырааныспардар сырыылара тохтообот — дьон олоҕор, пассажирдарга кутталы үөскэтэллэр. Сорох «киитэрэй» суоппардар бу сыалга анаан 203 түөлбэҕэ «Парус» дьиэлэр таһынан суол оҥостубуттар диэн «Якутский вечерний» ТГ-ханаала иһитиннэрэр.

«Оннооҕор «кичэллээх» суопардар кумаҕы хаһан ыраастаабыттар», — диэн ТГ-ханаалга суруйаллар.

Видеоҕа көрөргүт курдук, ГАИ массыынатын көрөн суоппардар куоталлар. Ол эрээри, кинилэри ким да сырсыбат. Дрон көмөтүнэн массыыналар нүөмэрдэрин холкутук түһэрэн бараннар, боротокуол оһоһуллар уонна ыстараап кибитээнсийэтэ тиийэр диэн суруйаллар.

Санаттахха, былырыын күһүҥҥүттэн сокуону кэһээччи суоппардары бэрэбиэркэлииргэ дроннары туһанар буолбуттара.