ВИДЕО: Дьулустаан Ноговицын иккис төгүлүн «Чөмпүйүөн Куубагын» кыайда
![](https://sakha-sire.ru/wp-content/uploads/2024/02/img_8409.jpeg)
Горнай улууһун Маҕараһыттан төрүттээх Дьулустаан Ноговицын иккис төгүлүн «Чөмпүйүөн Куубагын» кыайыылааҕын үрдүк аатын сүктэ. Кини сэттэ көрүҥ түмүгүнэн аҕыс боотуру кэннигэр хаалларан бастаата.
«Чөмпүйүөн Куубага» олунньу 17 күнүгэр Уус Алдан Бороҕонугар ыытылынна. Былырыыҥҥы «Дыгын оонньууларын» түмүгүнэн аҕыс бастыҥ бөҕөс күрэхтэстэ.
![](https://sakha-sire.ru/wp-content/uploads/2024/02/img_8408.jpeg)
Улахан бириистэри таһынан, быйылгы «Дыгын оонньууларыгар» кыттарга түөрт путевка оонньонно. Путевкалары түөрт бастыҥ көрдөрүүлээх Дьулустаан Ноговицын (Горнай), Артем Дьяконов (Кэбээйи), Айсен Ботуев (Үөһээ Бүлүү) уонна Яков Дмитриев (Кэбээйи) ыллылар.
Быйылгы турнир Уус Алдан улууһун баһылыгын бирииһигэр диэн ыытылынна уонна өрөспүүбүлүкэҕэ физкультурнай хамсааһыны саҕалаабыт Николай Тарскай төрөөбүтэ 100 сылыгар ананна.
Күрэхтэһиини сиһилии Максим Тихонов видеоблогар көрүҥ:
Сообщить об опечатке
Текст, который будет отправлен нашим редакторам: