ВИДЕО: Дыгыйа саха таҥаһын дойду киинигэр кэрэхсэтэр

Москваҕа «Жемчужина Мира» диэн дизайнердар күрэстэригэр Варвара Егорова — Дыгыйа кыргыттарынаан—дыгыйыктарынаан былааһы ыллылар.

Дыгыйа айбыт-туппут, тикпит сахалыы таҥастарын ааттаах дьон киэҥ биһирэбилин, хайҕабылын ылан хас эмэ тутум үрдүү сылдьаллар. Кинилэр тылларын сүмэһинэ өҥү дьүөрэлээһиҥҥэ, ураты көрүүгэ, айылҕаттан айылгылаах көстүүгэ болҕомто туһаайылынна, истэргэ астык.

Варвара Егорова — Дыгыйа иистэммит, ураннаабыт таҥаһа бары олус кэрэлэр. Бу күннэргэ кини дыгыйыктарынаан «Жемчужина Запада» диэн дизайнердар күрэстэригэр кыттан киэҥ биһирэбили ылла. Кылаан кыайыылаах буолла! Ааттаах-суоллаах дьүүллүр сүбэ хайҕабыл тылларын киһи истэн үөрэр.

Тускулаана Горохова-Кобельянова