ВИДЕО: Эдэр уол минимаркеттан арыгы кыбынан тахсыбыт

ИДьМ управлениетын 4-с №-дээх полициятын отделын дьуһуурунай чааһыгар биир атыы-эргиэн туочукатыттан арыгы  уоруллубутун туһунан сайабылыанньа киирбит. Бу туһунан СӨ ИДьМ пресс-сулууспата иһитиннэрэр.

Суһал-көрдүүр дьаһалларынан холуобунай ирдэбил үлэһиттэрэ уорбаланааччыны быһаарбыттар. Хара санаалаах 23 саастаах куорат олохтооҕо буолара биллибит.

Силиэстийэҕэ быһаарыллыбытынан, буруйу оҥорооччу маҕаһыыҥҥа киирбит уонна үлэһиттэр көрбөттөрүнэн туһанан, икки бытыылка арыгыны сиэбигэр уктан, үрдүнэн кууркатынан саптан, маҕаһыынтан тахсан барбыт. РФ Холуобунай кодексатын 158-с ыстатыйатын 1-гы чааһынан («Уоруу») холуобунай дьыала тэрилиннэ. Бу ыстатыйанан буруйдаах 2 сылга диэри көҥүлэ быһыллыан сөп.