Хаартыска: Видеоттан скриншот.
Бүгүн социальнай ситиминэн Өлүөхүмэ улууһун 2-Нөөрүктээйи уонна Бэрдиҥкэ икки ардыгар массыынанан ааһан иһэр дьон суолга тыатааҕы балачча улахан оҕото сылдьарын видеоҕа устубуттара тарҕанна. Ити эргин нэһилиэк элбэх, кутталлаах. Чахчытын билээри улуус баһылыгар Николай Харбиҥҥа төлөпүөннүү сырыттым.
— Өлүөхүмэ улууһугар эһэ нэһилиэккэ чугаһаабыт, киирэр түгэнэ элбэх. Кэлиҥҥи сылларга биллэ элбээтэ. Онон итинник түгэҥҥэ нэһилиэк баһылыктара тугу гынары, хайдах дьаһанары билэллэр, алгоритм оҥоһуллубута. Улуустааҕы Айылҕа харыстабылын кэмитиэтэ бэрт түргэнник үлэлиир. Суукка иһинэн лиссиэнсийэ биэрэр. Чопчу ити түгэни кэмитиэт билэр, 2-Нөөрүктээйи баһылыга номнуо тахсыбыта, – диэн быһаарда.
Санатан эттэххэ, бу иннинэ Троицкай нэһилиэнньэлээх пуун аттыгар, Заречнай-Даппарай нэһилиэктэрин икки ардыгар суолтан бэрт чугас эһэ сылдьарын эмиэ көрбүттэрэ.
Саха сирэ.ру сайт аҕыйах сыллааҕыта 1-Нөөрүктээйи нэһилиэгэр эһэ киирэн ынахтарга саба түспүтүн туһунан суруйан турабыт.
Хата, дьолго, эһэ дьон олорор сириттэн чугас уонна кутталы үөскэтэр буоллаҕына тута хамсанар туһунан дьаһал баара үчүгэй. Урут нэһилиэктэн быдан ырааҕынан сылдьар эбит буоллахтарына, билигин дьон олорор сириттэн адьас аҕыйах миэтэрэнэн сылдьаллар, кутталы үөскэтэллэр. Онон сэрэхтэммит.
Бэс ыйыгар Аллайыаха улууһун Чокуурдаах сэлиэнньэтигэр хаар түһэ турар. Учаастактарга өссө тобурах түспүт үһү. Хотуттан…
Дьокуускайга ыытылла турар 25-с Федеральнай Сабантуй кэмигэр Татарстан уонна Саха сирин сонуннары киэҥник тарҕатар сириэстибэлэрэ…
Бэс ыйын 12 күнүттэн Дьокуускай куоракка Федеральнай Сабантуй култуурунай бырагыраамалара ыытылла тураллар. Онтон сарсын, бэс…
Бу күннэргэ тирэх пууннар Дьокуускайтан, Тааттаттан, Уус Алдантан тиийбит дэлэгээссийэлэри дойдуларыттан сылдьар байыастары кытары көрүһүннэрдилэр.…
Дьокуускайга 25-с Федеральнай Сабантуй чэрчитинэн, Национальнай бибилэтиэкэҕэ “Казань” уопсастыбаннай-бэлитиичэскэй, литературнай-уус уран сурунаал 6-с нүөмэрин сүрэхтээтилэр.…
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…