ВИДЕО: Өлүөхүмэҕэ күүстээх тыал түстэ

Өлүөхүмэ улууһун Кыыллаах нэһилиэгэр бүгүн олус күүстээх тыал түспүт. Бэл диэтэр, сарай кырыыһата кытта көппүт. Олохтоохтор чахчы ити курдук күүстээх тыал түһэн ааста диэн бигэргэтэллэр. 

Олохтоохтор бүгүн күн бастакы аҥаарыгар олус куйаас халлаан турар дэспиттэрэ. Киэһэнэн хантан даҕаны кэлбитэ биллибэт күүстээх тыал түспүт. “Үксүгэр СМС кэлэр буолааччы, бу сырыыга — суох” – дэһэллэр.

Аһаҕас сиргэ олоро үөрүйэх дьон быһыытынан тыал күүһүн син билэн эрдэхтэрэ, сүүрбэ миэтирэлээх тыаллааҕар лаппа күүстээх диэн этэллэр. Ол да иһин сарай кырыыһата көтөн эрдэҕэ.