ВИДЕО: Өлүөхүмэҕэ лыах тиллибит

Бүгүн, муус устар 25 күнүгэр, Өлүөхүмэ улууһуттан сандал саас, чаҕылхай күн туоһута – лыах тиллибитин туһунан кэтэһиилээх хаартыска, видео тиийэн кэллэ.

Өлүөхүмэ улууһун Уолбут сэлиэнньэтин олохтооҕо Алена Алексеева бастакы лыахтары бүгүн, муус устар 25 күнүгэр көрбүт.

“Бүгүн Уолбукка -1 кыраадыс тымныы. Бастакы лыахтары бүгүн көрдүм. Тэлгэһэ иһигэр үс-түөрт лыах көтө сылдьар” – диэн кылгастык кэпсиир.

Санатан аастахха, аҕыйах хонуктааҕыта Алена Алексеева эмиэ Уолбукка ньургуһун тыллан эрэр хаартыскаларын ыыталаабытын Саха сирэ хаһыат ТГ- ханаалыгар таһааран турабыт. Уһун кыһын  кэнниттэн саас, сайын бэлиэтин Саха сирин олохтоохторо үөрэ-көтө көрбүттэрэ. Видеоны көрүҥ.