Хаартыкса: видеоттан скрин
Бу күннэргэ Өлүөнэ өрүскэ экстремальнай харбааһын буолан ааста. Хорсун спортсменнар быыстарыгар Дьокуускай куорат полициятын старшай лейтенана Надежда Гоголева кытынна.
Надежда Гоголеваны бу видеоҕа тута билиэххит, тоҕо диэтэххэ, кини бу бырайыакка соҕотох дьахтар-кыттааччынан буолар. Надежда улуу Өлүөнэ эбэ күүстээх сүүрүгүн утары харбаан, 4 км кэриҥэ ырааҕы устан туораата. Өссө биири бэлиэтии көрүҥ, видеоҕа көстөрүнэн Надежда туох даҕаны страховката суох устубут.
«Биир баҕа санаабын толоробун — эбэни харбаан туоруубут. Долгуйабын. Уу тымныы эбит», — диир Надежда Гоголева.
«Харбааһынынан дьарыктанааччыларга маны хатылыырга сүбэлээбэппит. Тоҕо диэтэххэ, полиция үлэһитэ Надежда Гоголева – чэпчэки атлетикаҕа норуоттар икки ардыларынааҕы кылаастаах успуорт маастара, 100 км сүүрүүгэ Арассыыйа икки төгүллээх чөмпүйүөнэ, Арассыыйа Куубагын кыайыылааҕа, суукка устата сүүрүүгэ СӨ рекордсмена уонна да атын успуорка үрдүк ситиһиилэрдээх. Барыгытыгар кыайыылары уонна ситиһиилэри баҕарабыт!», – диэн СӨ ИДьМ ТГ-ханаала иһитиннэрэр.
Харбааһын гидрокостүүмнээх ыытылынна уонна этэҥҥэ түмүктэннэ. Санатан эттэххэ, урут 2014 сыллаахха уон энтузиаст, ол иһигэр үс дьахтар, Аллараа Бэстээхтэн Дьокуускай куорат 202-с түөлбэҕэ диэри 25-чэ килэмиэтири харбаан, Өлүөнэ өрүһү туораабыттара.
Өлөөн оройуонугар куоластааһын түмүктэнэр кэмигэр быыбардааччылар испииһэктэригэр киирбит дьон 65,25 бырыһыанын ылла. Быыбардыыр бүлүтүөҥҥэ түөрт…
Өймөкөөн улууһун Үчүгэй национальнай нэһилиэгин баһылыгар «Биир ньыгыл Арассыыйа» баартыйаттан турбут, анал байыаннай дьайыы кыттыылааҕа…
Мэҥэ Хаҥалас улууһугар биэс нэһилиэк олоҕор улахан суолталаах түгэн – нэһилиэк баһылыктарын быыбара – түмүктэннэ.…
Дьокуускай куорат мэрэ Евгений Григорьевы кытта суруналыыстар көрсүһүүлэригэр Эпос уонна искусство Арктикатааҕы киинин тутуллуута ити…
Өймөкөөн, Үчүгэй, Төрүт уонна Аартык бөһүөлэгэр баһылыктары быыбардаатылар. Ону тэҥэ Биир кэлим куоластааһын күнүгэр нэһилиэк…
Олохтоох бириэмэнэн оруобуна 20:00 ч. өрөспүүбүлүкэ бары 293 быыбардыыр учаастага сабылынна диэн СӨ Киин быыбардыыр…