С. Львова хаартыската
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон уста сылдьарын видеоҕа устан ыыппыттара тарҕанна. Устааччы киһи видео нөҥүө тустаах тэрилтэлэр миэрэ ылалларыгар көрдөһөр.
Бүгүн, от ыйын 2 күнүгэр, Дьокуускай уонна Аллараа Бэстээх икки ардыгар паром туоруур сиригэр Өлүөнэ өрүс киртийиитин туһунан социальнай ситимҥэ тарҕаммыт видеоустууга олоҕуран, СӨ Экологияҕа, айылҕаны туһаныыга уонна ойуур хаһаайыстыбатын министиэристибэтин үлэһиттэрэ быһылаан буолбут сиригэр суһаллык тиийэн киртийии кээмэйин уонна ким буруйдааҕын быһаардылар.
Маны сэргэ бу быһылаанынан СӨ Экологияҕа, айылҕаны туһаныыга уонна ойуур хаһаайыстыбатын министиэристибэтигэр, СӨ Тырааныспарка уонна суо-иис хаһаайыстыбатыгар министиэристибэ, СӨ Гражданскай оборонаҕа дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэ, Айылҕа харыстабылын эйгэтигэр кэтээн көрөр Федеральнай сулууспа управлениета, Быыһыыр сулууспа, ону сэргэ «Өлүөнэ тардыытын дьаһалтата», «Саха сирин паромнара» тэрилтэлэр, ЛОРП, АЯМ тутуутун ассоциацията кыттыылаах суһал мунньах буолан ааста.
Өлүөнэ өрүс федеральнай бас билии буоларын быһыытынан, киртийии тахсыбытын туһунан иһитиннэриини Айылҕа харыстабылын эйгэтигэр кэтээн көрөр Федеральнай сулууспа управлениетыгар, Өлүөнэ тардыытынааҕы уу салалтатыгар, ЫБММ, Дьокуускайдааҕы айылҕа харыстабылын борокуратууратыгар, Дьокуускайдааҕы тырааныспар борокуратууратыгар иһитиннэрии уонна дьаһалы ыларга туһуламмыт сурук ыыттылар.
Видео социальнай ситимнэртэн ылылынна
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…