ВИДЕО. «Өлүөнэ очуостара» пааркаҕа соҕотох тыатааҕы оҕото сылдьарын көрдүлэр

«Өлүөнэ очуостара» национальнай паарка сиригэр-уотугар ийэтэ суох сылдьар тыатааҕы оҕотун бэлиэтээтилэр. Биир саастаах адьырҕа кыылы Уhун Күөл диэн сир таһыгар турар «фотоловушка» түһэрбит. Бу туһунан паарка дьаһалтата иһитиннэрэр.

Судаарыстыбыннай инспиэктэр Роман Широких быһаарарынан, тыатааҕы оҕотун ийэтэ атыырдартан көмүскээн үүрбүт буолан соҕотох сылдьыан сөп. Тоҕо диэтэххэ, от ыйа бүтүөр, атырдьах ыйа саҕаланыар диэри атыыр тыатааҕылар саамай кырыктаах уонна актыыбынай, кутталы үөскэтэр кэмнэрэ буолар.