ВИДЕО: Эр киһи арыгы иһээри ресторантан төлөпүөн уорбут

Дьокуускайдааҕы полиция отделын дьуһуурунай чааһыгар ресторан администратора сайабылыанньа суруйбут.

ИДьМ пресс-сулууспата иһитиннэрэринэн, эмсэҕэлээччи дьахтар 30 тыһыынча солкуобай суумалаах суотабай төлөпүөнүн уорбуттарын туһунан биллэрбит. Холуобунай ирдэбил үлэһиттэрэ уорбаланааччы урут сууттана сылдьыбыт 52 саастаах Орто Халыма оройуонун олохтооҕо буоларын быһаарбыттар.

Эр киһи рестораҥҥа ыалдьыт быһыытынан киирбит. Ол кэмҥэ администратор стойкатыгар төлөпүөн сытарын бэлиэтии көрөн, ким да көрбөтүнэ тутан тахсыбыт. Уорбут төлөпүөнүн ааһан иһэр киһиэхэ 500 солк. суумаҕа атыылаабыт. Эр киһи харчыны арыгыны атыылаһарга ороскуоттабыт.«Уоруу» ыстатыйанан холуобунай дьыала тэрилиннэ. Буруйдаах биэс сылга диэри болдьоххо көҥүлэ быһыллыан сөп.