ВИДЕО: Өрүс кытылыгар киһи уҥуоҕун булбуттар

Ньүүйэ өрүс кытылыгар киһи уҥуохтара көстүбүттэр. Видеону социальнай ситимнэринэн тарҕаттылар.

Быһа барыллаан, бу түҥ былыргы көмүү. Ленскэй оройуонун баһылыга Александр Черепанов СИА-ҕа иһитиннэрбитинэн, миэстэтигэр полиция тахсыаҕа.

«Иһитиннэриини бигэргэтэбит. Бэҕэһээ Орто Наахара уонна Чамча сэлиэнньэлэрин икки ардыларыгар Ньүүйэ өрүс кытылыгар булчуттар булбуттар. ИДЬМ сулууспатыгар биллэрдибит, миэстэтигэр учаастковай тахсыаҕа. Бу сиргэ урут сопхуос баар этэ. Түҥ былыргы көмүү курдук. Хаһыылар ыытыллыахтара, уҥуохтары көмүү кэмин быһаарыахтара», — диэн Ленскэй оройуонун баһылыга Александр Черепанов иһитиннэрдэ.

Видеоҕа көстөрүнэн, өрүс кытылыгар киһи уҥуоҕа көстөр.

Ньүүйэ өрүс — Өлүөнэ өрүс хаҥас салаата. Уһуна 798 км., тардыытын иэнэ 38100 км². Өлүөнэтээҕи хаптал хайалаах сиринэн устар.