ВИДЕО: «Халыма» суолугар тыатааҕы…

Саха сирин олохтоохторо тыатааҕыны үгүстүк көрсөр буоллулар. Бу сырыыга «Халыма» суол 536-с км учаастагар олохтоохтор хагдаҥ эһэни эмиэ видеоҕа уһулан социальнай ситимнэринэн тарҕаттылар.

Тайҕа муҥур хаһаайына суолу туоруон баҕарар эрээри,  массыынаны көрөн суол кытыытыгар  төннөр. Мастар быыстарынан дьону сэрэхэдийэн көрөн олорорун айанньытар видеоҕа устубуттар.

«Санатан эттэххэ, олохтоохтор адьырҥа кыылы көрсөр түгэннэригэр ордук сэрэхтээх буолуохтаахтар, уонна инникитин дьон олоҕор-доруобуйатыгар уонна кыыл бэйэтигэр кутталлаах быһыыны-майгыны үөскэппэт туһугар аһатыа суохтаахтар», – диэн «Томпонский вестник» ТГ-ханаала иһитиннэрэр.

Тыатааҕыны көрсүбүт түгэҥҥэ тугу гынабыт?