ВИДЕО: Хара тыа аарыма кыыла Өлүөнэ өрүһү туоруур

Бүгүн сарсыарда Покровскайга олохтоохтор муус ааһар кэмигэр Өлүөнэ өрүһү туоруур тайаҕы видеоҕа уһулан тарҕаттылар.

Хара тыа аарыма кыылын сарсыарда Өлүөнэ эбэ кытылыгар өр кэм туран баран, ууга киирбитин бүгүн, ыам ыйын 16 күнүгэр, көрбүттэр.

«Бүгүн сарсыарда Покровскай куорат аттыгар тайах өр туран, сынньанан баран, Өлүөнэ өрүһүнэн устубута», — диэн туоһулар кэпсииллэр.

Тайах үчүгэйдик харбыыр, алта миэтэрэҕэ диэри дириҥҥэ умсар кыахтаах. Аарыма кыыллар үгүстүк өрүһү харбаан туорууллар.