ВИДЕО. Харыйа оонньуурдара бэйэ илиинэн

Ньурба улууһун Чаппанда нэһилиэгиттэн норуот маастара Валентина Алексеева уратытык киэргэммит харыйатын видеоҕа уһулан социальнай ситимнэринэн тарҕатта.

Валентина Степановна Чаппандаҕа талааннаах кийиит буолан, харыйа оонньуурдарын бэйэтэ илиинэн быысапкалаан оҥорбута дьон-сэргэ интэриэһин тарта. Маны таһынан кини харыйа оонньуурдарын балык уҥуоҕуттан, хабахтан уонна атын матырыйааллартан оҥоһуктара элбэхтэр эбит. Бу барыта улахан толкуйтан, үлэттэн тахсара биллэр. Киһи бэйэтэ оҥорбута ураты тыыннаах, кэрэ көстүүлээх буолар. Харах хайгыы, сүрэх үөрэ көрөр ураты көстүүлэр өссө да айылла турдуннар диэн «Ньурба» хаһыат суруйар.

Елена Тимофеева.