Хаартыска: Л.Е.Данилова тиксэриитэ.
Өлүөхүмэ улууһун Кыыллаах Арыыта ыам ыйын 13 күнүттэн уота суох олорор. Маҥнай утаа сорох дьон оһохторо сытыйан, атыттар мастара ууга былдьанан оттор кыахтара суоҕа. Иллэрээ күн бөртөлүөтүнэн дизель ыстаансыйатын тириэртилэр, номнуо үлэлээн эрэр.
Бырабыыталыстыба бэрэссэдээтэлин бастакы солбуйааччы Дмитрий Садовников ааспыт нэдиэлэҕэ: “Миэстэтигэр 100 кВ дизель генератордары тириэрдиэхтэрэ. Биллэн турар, логистиката уустук, сымнатан эттэххэ, суола да соччото суох. Ол эрээри, уот солбуһугун (резервные источники питания) төһө кыалларынан түргэнник тириэрдэр ирдэнэр, дьон хаһыс даҕаны күнүн уота суох олорор”, – диэн этэн турар. Иллэрээ күн Кыыллаахха бөртөлүөтүнэн 100 кВ кыамталаах ыстаансыйа тиийбитэ. Ыстаансыйа хайдах быһыылаахтык үлэлээн эрэрин ыйыталаһаары Кыыллаах нэһилиэгин “Алгыс” сынньалаҥ киинин дириэктэрэ, нэһилиэк дьокутаата, уу саахалын туоратар хамыыһыйа чилиэнэ Лена Данилованы кытта сибээстэһэ сырыттым:
— Иллэрээ күн Кыыллаахха бөртөлүөтүнэн 100 кВ кыамталаах ыстаансыйаны аҕаллылар. Молодежнай уонна Хорлинскай уулуссалар уоттаннылар. Билиҥҥитэ уматык кырыымчыгынан сибээстээн, сарсыарда 6 чаастан күнүс 2 чааска диэри уонна күнүс 4 чаастан киэһэ 10 чааска диэри холбонор. Дьон сылытынар тэрили холбооботохторуна, элбэх ыал уоттанар кыахтаах, кыамтата тиийиэ диэн быһаарбыттара, онон өссө икки уулуссаны эбии холбуохтарын баҕараллар.
Уот улахан тирэҕэ (опора) сууллан, ону таһынан, дэриэбинэ иһинээҕи уонна Бэкээнэпкэҕэ барар подстанцияҕа мас остуолбалара эмиэ охтубуттара. Онон чөлүгэр түһэрии үлэтэ улахан, кырата икки ый буолуо диэн исписэлиистэр иһитиннэрбиттэрэ.
Өлүөхүмэ куоракка “Якутскэнерго” тэрилтэттэн 200 Кв кыамталаах ыстаансыйа кэлэн турар. Кыыллаах кытыытыгар тиксэргэ биэрэк таҕыста даҕаны аҕалыахтаахтар. Өлүөхүмэ улууһун дьокутааттара И.Н.Кульбертинов, А.З.Колодезников кэпсэтэн, биир ыстаансыйаны Мирнэйтэн аҕалан иһэллэр, — диэн үлэтин, күө-дьаа кэпсэтии быыһыгар бүгүҥҥү балаһыанньаны кылгастык кэпсиир.
Манна даҕатан эттэххэ, иллэрээ күн кэлбит бастакы ыстаансыйа Молодежнай, Хорлинскай уулуссаларга холбоноро оруннаах, үүт турар сыах онно баар. Суукканы эргиччи да үлэлээбэтэр, олохтоохтор үөрүүлэрэ улахан.
Муус устар 3 күнүгэр буолбут “Публичнай былаас биир уопсай тиһигэр олохтоох салайыныыны тэрийии уопсай тосхоллорун…
Муус устар 4 күнүгэр, уһулуччулаах судаарыстыбаннай диэйэтэл, Аҕа дойду Улуу сэриитин кыттыылааҕа Гавриил Иосифович Чиряев…
П.Н. уонна Н.Е.Самсоновтар ааттарынан Хатас орто оскуолата “Арассыыйатааҕы Билим академиятын тирэх оскуолата” бырайыакка киирбит уонна…
СӨ Ил Дархана Айсен Николаев уонна "Газпром" ПАУо бырабылыанньатын бэрэссэдээтэлэ Алексей Миллер бигэргэппит "Гааһынан хааччыйыы…
“ВОИН” киин уон, ол иһигэр үс Уһук Илиҥҥи филиал муус устарга үлэлээбиттэрэ биир сылын бэлиэтииллэр.…
Саха тарбахха баттанар биир улахан салайааччыта, бөдөҥ судаарыстыбаннай уонна бэлитиичэскэй диэйэтэлэ, 1965-1982 сс. Сэбиэскэй Сойуус…