ВИДЕО: Испанец Джаф Фернандес матасыыкылынан Саха сиригэр кэлбит

Бу күннэргэ матасыыкылынан сири-дойдуну кэрийэр Испания олохтооҕо Джаф Фернандеһы Саха сиригэр «Саҥа тыын» каучсерфердар түмсүүтэ көрүстэ. Испанец омук айанньыты арыылаах алаадьынан, минньигэс күөрчэҕинэн күндүлээтилэр.

Айаанньыт Джаф Саха сиригэр Испанияттан Монголиянан ыраах  айаны матасыыкылынан айаннаан кэлбит.

Кини Lilly Family үтүө дьыалатын оскуолатын выпускнига, IESE Business School фармацевтиканы бүтэрбит, Королевскай академия фармацевтикаҕа чилиэнэ. Фотограф, хайаҕа ыттарынан дьарыктанар уонна «Веспа» мопед фаната эбит. Джаф Европаны, Африканы, Азияны, Латинскай Американы уонна АХШ-тын «Веспа» мопедынан уонна ««Харлей Дэвидсон» матасыыкылынан кэрийбит.

Омук киһитэ  туризм сайыннарыытыгар араас СМИ-ри кытта үлэлиир. Маны таһынан кини MAC (Classic Motorbike Alumni Chapter) уонна Squadra Vespa Navarra, член Vespa Club Massa (Italia)  төрүттээччитэ, H.O.G. (Harley Davidson) чилиэнэ. Ол курдук, омук киһитэ олус элбэх дьарыктаах уонна эбээһинэстээх.

«Матасыыкылы 16 сааспыттан ыытабын. Араас дойдуларга сырыттым. Арассыыйа мэлдьи миигин тардар этэ:  дойду сүүнэ улахан территориялаах, кэрэ айылҕалаах, атын култууралаах. Мин Москваҕа, Уфаҕа, Новосибирскайга, Красноярскайга уонна Иркутскайга сылдьыбытым. Москва барыларыттан ордук, оттон атын куораттар олус аутентичнайдар. Ону таһынан мин туох баар бу сырыыларбынан кинигэ суруйабын», — диэн кэпсээбитин espanarusa.com саайт иһитиннэрэр.