Хаартыскаҕа Александр Тарасов түһэриилэрэ
Бүгүн, сэтинньи 14 күнүгэр, Кэбээйигэ «Муҥха олоҥхото» өрөспүүбүлүкэтээҕи ыччат бэстибээлин түһүлгэтэ устар ууну сомоҕолуур, кырыымпалыы кылыгырыыр, кутуллар кылыһахтаах эдэр олоҥхоһуттары түмтэ.
Эҕэрдэ тылы СӨ Бырабыыталастыбатын бэрэссэдээтэлин солбуйааччы Сергей Местников, СӨ Култуураҕа, духуобунаска сайдыыга миниистирэ Афанасий Ноев, Кэбээйи улууһун баһылыга Иван Левин эттилэр.
Сергей Местников эҕэрдэ тылыгар «Муҥха олоҥхото» бэстибээл Кэбээйигэ ыытыллан эрэрэ бары өттүнэн сөптөөҕүн бэлиэтээтэ. Ол курдук, Кэбээйи собото өрөспүүбүлүкэбит үрдүнэн аатырыан аатырар буоллаҕа.
Олоҥхо күнүгэр сыһыаннаах дэкээдэ номнуо саҕаланан эрэллэрин, соторутааҕыта «Олоҥхо-батлл» үрдүк таһымнаахтык ыытыллыбытын туһунан эттэ.
Тэрээһиҥҥэ үгүс улуустан 20-тэн тахса эдэр олоҥхоһут кыттыаҕа. Ол курдук, Кэбээйи сэлиэнньэтин култуура дьиэтигэр олохтоохтор, ыалдьыттар түүн үөһүгэр диэри олоҥхо арааһын дуоһуйа истиэхтэрэ.
Видеоҕа Кэбээйитээҕи «Сайдам» кырыымпа бөлөх толоруутунан бэстибээл аһыллыытын түгэниттэн.
Салгыы Мэҥэ Хаҥалас Лоомтукатыттан сылдьар Виталий Никифоров Былатыан Ойуунускай «Дьулуруйар Ньургун Боотур» олоҥхотуттан быһа тардан иһитиннэрдэ.
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…