ВИДЕО: Кэллиэс устудьуоннара байыастарга саха быһахтарын бэлэх ыыттылар

Олунньу 10 күнүгэр байыаннай дьайыы кыттыылаахтарын көрдөһүүлэринэн Дьокуускайдааҕы «Айар Уустар» креативнай индустрия кэллиэһин устудьуоннара саха быһахтарын оҥорон ыыттылар.

Байыастар сакаастарын Дьокуускайдааҕы «Айар Уустар» Креативнай индустрия кэллиэһин устудьуоннара толордулар диэн кэллиэс пресс-сулууспата иһитиннэрэр.

Сэттэ саха быһаҕын оҥорууга устудьуоннары Арассыыйа норуодунай маастара, кэллиэс маастара Роман Готовцев-Мындыр Уус салайда.

Уолаттар байыастарга доруобуйаны уонна этэҥҥэ дойдуларыгар Кыайыылаах эргиллэн төннөллөрүгэр баҕа санааларын тиэртилэр. «Биһиги этэҥҥэ үлэлии-хамсыы сылдьабыт. Бары этэҥҥэ эргиллэн кэлэргитин кэтэһэбит. Уруй буоллун эһиэхэ!». – диэтэ Роман Готовцев-Мындыр Уус.

“Айар Уустар” креативнай индустрия кэллиэһэ уу сахалыы ааты ылынан, саҥалыы тыыннанан, аныгы идэлэргэ устудьуоннары бэлэмниир. Кэллиэс үлэтин туһунан сиһилии  манна аах.

Ураты тыыннаах «Айар Уустар» кэллиэскэ