Хаартыска: Надежда Егорова
Оксана уонна Гаврил Яковлевтар «Подкова на счастье» туристическай баазаларын былырыын балаҕан ыйын 9 күнүгэр төрөөбүт-үөскээбит Элгээйилэрин нэһилиэгэ төрүттэмммит күнүгэр арыйбыттар.
Онон бырааһынньыкка кэлбит кэргэннии дьон «Подкова на счастье» турбааза бастакы ыалдьыттарынан буолбуттар. Элгээйиттэн 2 килэмиэтиргэ турар бааза суолун анаан-минээн куттарбыттар, уот трансформаторын аҕалан туруортарбыттар. Онон массыынанан да, бэлэсипиэтинэн да кэлэргэ олус табыгастаах.
Турбааза аныгылыы тутуулаах 4 дьиэтэ икки киһиэхэ (5 да киһиэхэ буолуон сөп) анаммыт. Манна күнүскү кэмҥэ эбэтэр биир сууккаҕа хаалан сынньаныахха сөп. Икки купол силигин ситтэҕинэ, инникитин элбэх киһилээх бөлөхтөргө, хампаанньаларга ананыан сөп. Хаһаайыттар кафелаах сынньанар зонаны, бэлэсипиэтинэн хатааһылыыр ыллыктары оҥорор баҕалаахтар. Онуоха айылҕата да анаабыт курдук хатыламмат кэрэ, халлааҥҥа харбыаласпыт сүүнэ мастары көрөн, киһи эрэ айылҕалыын алтыһыан, бэйэҥ бэйэҕэр хаалан чуумпуран, иһийэн ылыан баҕарар.
Аны аттыгар баар күөлү үөһэттэн хаартыскаҕа түһэрдэххэ, боккуопа курдук быһыылааҕын туһунан Яковлевтар кэпсииллэр. Маны сэргэ кинилэр сыспай сиэллээҕи туталлар. Онон боккуопа өйдөбүлэ, анала турбаазаларын ааттыылларыгар сөрү сөп курдук буолбут. Кыһыҥҥы ыалдьыттарга сылгыларын көрдөрөллөр, ону ыалдьыттар бэйэлэрин илиилэринэн аһатан, хаартыскаҕа түһэн астынан бараллар.
Оксана Яковлева Элгээйи түмэлигэр үлэлиир, сетевой ситиминэн дьарыктанар. Дьиэлэр бырайыактарын Гаврил Яковлев эр киһи хараҕынан көрөн бэйэтэ оҥорбут. Онон үс оҕолоох Яковлевтар дойдуларыттан тэйбэккэ, дьоннорун-сэргэлэрин олохторун-дьаһахтарын, сынньалаҥнарын тэрийсэргэ сүрэхтэрин сылааһын биэрэн үлэлии-хамсыы сылдьалларын көрөн киһи эрэ үөрэр. Оҕолорун үлэҕэ-хамнаска кытыннаран, үлэнэн иитэргэ туристическай баазалара биир төһүү күүс буолар.
Яковлевтар дьон-сэргэ махтанан баралларыттан кынаттанан, сүргэлэрэ көтөҕүллэн былааннара элбэх.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…