ВИДЕО: Көтөр саҥатын үтүктэр Никита туохтан үөрэрий?

Сунтаар улууһун Элгээйитигэр баар Кыраайы үөрэтэр түмэлгэ  кэлбит дьон көтөр саҥатын үтүктэр уолчааны сэргии, хайгыы көрөллөр.

Дьикти дьарыгынан өрөспүүбүлүкэҕэ биллибит Никита Никитин көтөр саҥатын 1 кылаастан үтүктэр буолбут. Быйыл кини 7-с кылааһы бүтэрбит. Аан бастаан дьиэтин таһыгар кэлэр көтөрдөрү үтүктүбүт буоллаҕына, улаатан истэҕин аайы ойуурга сылдьан чуор кулгааҕынан араас саҥаны истэн, үүт үкчү үтүктэр буолбут.

Түмэлгэ кини көтөрдөр араастарын көрдөрөр хоско хас биирдиилэрин ааҕа билэр, өссө саҥаларын бэйэтин куолаһынан иһитиннэрэр. Онон түмэл  бу муннуга мэлдьи  » чыычаах саҥатынан» туолар. Онон, Никита билигин сайын кэлбититтэн, чыычаах араас саҥатын истэриттэн үөрэн-көтөн сылдьар.