ВИДЕО: Кырачаан Ева аан бастакытын ийэтин, аҕатын куоластарын иһиттэ

Бу хаартыскаларга көрөр кырачаан кыыскыт Ева төрүөҕүттэн истибэт. Кини Дьокуускайга М.Е.Николаев аатынан Мэдиссиинэ национальнай киинин оториноларинголог-быраастарын көмөтүнэн бастакытын тыаһы, ийэтин уонна аҕатын куоластарын иһиттэ. Бу туһунан Ил Дархан Айсен Николаев телеграм-ханаалыгар иһитиннэрдэ.

«Бу биһиги быраастарбыт бэйэлэрэ оҥорбут бастакы эпэрээссийэлэринэн буолар. Эрдэ Москваттан Мэдиссиинискэй чинчийэр национальнай киин оториноларингологтарын көмөтүнэн оҥороллор этэ. Биллэн турар, бу уһун тыҥааһыннаах үлэ түмүгүнэн буолар. Өрөспүүбүлүкэбитигэр оториноларингология сайдарыгар улахан хардыы оҥоһулунна. Биһиги быраастарбытынан киэн туттабын!» — диэн Айсен Сергеевич суруйда.