ВИДЕО: Кыыл Уолун туһунан кинигэлэр сүрэхтэннилэр

Сунтаардар киэн туттуулара, номоххо киирбит Сергей Зверев-Кыыл Уолун туһунан кинигэлэр Ыһыах бастакы күнүгэр сүрэхтэннилэр.

Кыыл Уолун төрөппүт кыыһа, Учууталлар учууталлара Варвара Иванова-Зверева буруолуу сылдьар кинигэтин сиһилии билиһиннэрдэ.

«С. Зверев-Кыыл Уолун айар үлэтин нэһилиэстибэтэ» биобиблиографическай ыйынньыгы Ойуунускай аатынан Судаарыстыбаннай бириэмийэ лауреата Валентина Павлова кыыһынаан, искусствоведение хандьытаата Татьяна Павлова-Борисова хомуйан оҥорбуттар.

Кинигэ сүрэхтэниитинэн СӨ Култуураҕа уонна духуобунай сайдыыга миниистирэ Афанасий Ноев эҕэрдэлээтэ. Валентина Николаевна Кыыл Уолун айар үлэтин бары жанрын түмэн биир улахан кинигэ тахсарыгар баҕа санаатын тириэртэ.

(Сиһилии «Саха сирэ» хаһыат аныгыскы нүөмэригэр билсиэххит).